شىنخۇا ئاگېنتلىقى، لاسا، 27 – ئاپرېل تېلېگراممىسى. مۇخبىرنىڭ بۈگۈن شىزاڭ ئاپتونوم رايونلۇق ساياھەت ئىدارىسىدىن ئىگىلىشىچە، ھەر جەھەتتىكى شارائىتلارنىڭ يەنىمۇ پىشىپ يېتىلىشىگە ئەگىشىپ، شىزاڭلىقلار پات ئارىدا چەت ئەللىك مېھمانلارنى كۈتۈۋالىدىكەن.
شىزاڭ ئاپتونوم رايونلۇق ساياھەت ئىدارىسىنىڭ مۇئاۋىن باشلىقى زانو مۇنداق دېدى: ‹‹لاسادىكى ‹‹14 – مارت›› ۋەقەسى شىزاڭ ساياھەتچىلىكىنىڭ نورمال كۈتۈۋېلىش خىزمىتىنى ئېغىر تەسىرگە ئۇچراتتى، ساياھەت كوپىراتىپلىرى ساياھەتچىلەرنىڭ بىخەتەرلىكى قاتارلىق ئىشلارنى كۆزدە تۇتۇپ، شىزاڭغا كېلىدىغان ساياھەتچىلەر ئۆمىكىنى كۈتۈۋېلىشنى بىر مەزگىل توختاتقانىدى.
يېقىندا شىزاڭنىڭ ئىجتىمائىي تەرتىپى ئاساسىي جەھەتتىن ئەسلىگە كەلدى، ئىجتىمائىي ئامانلىق مۇھىتى روشەن ياخشىلاندى، شىزاڭدىكى ساياھەتچىلىكنى باشقۇرۇش ئورۇنلىرى ۋە ساياھەتچىلىك كارخانىلىرى ‹‹1 – ماي›› خەلقئارا ئەمگەكچىلەر بايرىمى ۋە بايرامدىن كېيىنكى ساياھەتنىڭ جانلىنىش مەزگىلى يېتىپ كېلىشنىڭ تەييارلىقىنى قىلىپ بولدى، ساياھەتچىلىكتىكى كۈتۈۋېلىش ۋە بىخەتەرلىك كاپالىتى شارائىتى ھازىرلاندى››.
