خەينەندە ئۆلكە قۇرۇلغانلىقىنىڭ، ئىقتىسادىي ئالاھىدە رايون تەسىس قىلىنغانلىقىنىڭ 20يىللىقى داغدۇغىلىق
لى كېچياڭ پارتىيە مەركىزىي كومىتېتى، گوۋۇيۈەنگە ۋاكالىتەن مۇھىم سۆز قىلدى
شىنخۇا ئاگېنتلىقى، خەيكۇ، 26 – ئاپرېل تېلېگراممىسى. خەينەن ئۆلكىسىدىكى ھەر مىللەت، ھەر ساھە ئامما بۈگۈن خەينەن ئۆلكىلىك خەلق قۇرۇلتىيى سارىيىدا داغدۇغىلىق يىغىلىش ئۆتكۈزۈپ، خەينەن ئۆلكىسى قۇرۇلغانلىقىنىڭ، ئىقتىسادىي ئالاھىدە رايون تەسىس قىلىنغانلىقىنىڭ 20 يىللىقىنى تەبرىكلىدى. ج ك پ مەركىزىي كومىتېت سىياسىي بيۇروسى دائىمىي كومىتېتىنىڭ ئەزاسى، گوۋۇيۈەننىڭ مۇئاۋىن زۇڭلىسى لى كېچياڭ تەبرىكلەش مۇراسىمىغا قاتنىشىپ، پارتىيە مەركىزىي كومىتېتى، گوۋۇيۈەنگە ۋاكالىتەن مۇھىم سۆز قىلدى. ئۇ مۇنۇلارنى تەكىتلىدى: پارتىيە 17 – قۇرۇلتىيىنىڭ روھىنى ئومۇميۈزلۈك ئىزچىللاشتۇرۇپ، يولداش خۇ جىنتاۋ باش شۇجىلىقىدىكى پارتىيە مەركىزىي كومىتېتى ئەتىراپىغا زىچ ئۇيۇشۇپ، جۇڭگوچە سوتسىيالىزم ئۇلۇغ بايرىقىنى ئېگىز كۆتۈرۈپ، دېڭ شىياۋپىڭ نەزەرىيىسى ۋە ‹‹ئۈچكە ۋەكىللىك قىلىش›› مۇھىم ئىدىيىسىنى يېتەكچى قىلىشتا چىڭ تۇرۇپ، ئىلمىي تەرەققىيات قارىشىنى چوڭقۇر ئىزچىللاشتۇرۇپ، خەينەننىڭ تۈرلۈك قۇرۇلۇشلىرىنى ئىسلاھات، يېڭىلىق يارىتىش ئارقىلىق ئومۇميۈزلۈك ئىلگىرى سۈرۈشتە چىڭ تۇرۇش، ئىقتىسادىي ئالاھىدە رايوننىڭ ئىسلاھات، ئېچىۋېتىشتىكى مۇھىم رولىنى تېخىمۇ ياخشى جارى قىلدۇرۇپ، ئومۇميۈزلۈك ھاللىق جەمئىيەت بەرپا قىلىشنىڭ يېڭى غەلىبىسىنى تىرىشىپ قولغا كەلتۈرۈش كېرەك.
مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن باشلىقى خەن چىدې، مەملىكەتلىك سىياسىي كېڭەشنىڭ مۇئاۋىن رەئىسى لى جىنخۇا تەبرىكلەش يىغىنىغا قاتناشتى.
لى كېچياڭ قىزغىن ئالقىش سادالىرى ئىچىدە سەھنىگە چىقىپ سۆز قىلدى. ئۇ مۇنۇلارنى تەكىتلىدى: پات ئارىدا ئېلىمىزدە ئىسلاھات، ئېچىۋېتىش يولغا قويۇلغانلىقىنىڭ 30 يىللىقى تەبرىكلىنىدۇ، خەينەن ئۆلكە بولۇپ قۇرۇلغانلىقىنىڭ، ئىقتىسادىي ئالاھىدە رايون تەسىس قىلىنغانلىقىنىڭ 20 يىللىقىنى تەبرىكلەشنىڭ مۇھىم ئەھمىيىتى ئىسلاھات، ئېچىۋېتىشنىڭ تارىخىي تۆھپىسىنى تولۇق تونۇپ، ئىسلاھات، ئېچىۋېتىشتىكى مول تەجرىبىلەرنى ئەستايىدىل خۇلاسىلەپ، ئىسلاھات، ئېچىۋېتىشنىڭ ئىچكى قانۇنىيىتىنى چوڭقۇر ئىگىلەپ، ئىسلاھات، ئېچىۋېتىش ئىشەنچىمىزنى يەنىمۇ چىڭىتىپ، ئىسلاھات، ئېچىۋېتىش ئۇلۇغ ئىشىنى بوشاشماي، داۋاملىق ئالغا سىلجىتىشكە باغلىق.
لى كېچياڭ مۇنداق كۆرسەتتى: جۇڭگوچە سوتسىيالىزمنى بوشاشماي داۋاملاشتۇرۇپ ۋە راۋاجلاندۇرۇپ، ئالغا ئىلگىرىلەش يولىمىزدىكى مەسىلىنى ئىسلاھات، ئېچىۋېتىش ئارقىلىق ھەل قىلىش كېرەك. ئېلىمىز 30 يىلدىن بۇيان تېز تەرەققىي قىلىشتا ئىسلاھات، ئېچىۋېتىشقا تاياندى؛ ئالغا ئىلگىرىلەش يولىمىزدىكى قىيىنچىلىق، مۈشكۈلاتلاردىن غالىب كېلىپ، كەلگۈسى تەرەققىيات نىشانىغا يېتىشتە يەنىلا ئىسلاھات، ئېچىۋېتىشقا تايىنىمىز. خەينەن ئېلىمىزدىكى ئەڭ چوڭ ئىقتىسادىي ئالاھىدە رايون ۋە بىردىنبىر ئۆلكە دەرىجىلىك ئىقتىسادىي ئالاھىدە رايون بولۇش سۈپىتى بىلەن سوتسىيالىستىك بازار ئىگىلىكى تۈزۈلمىسىنى مۇكەممەللەشتۈرۈش تەلىپى بويىچە، ئېلىمىزنىڭ ئومۇمىيىتىگە كۆڭۈل بۆلۈپ، مەۋقەنى خەينەننىڭ ئەمەلىيىتىگە قويۇپ، ئىسلاھات سالمىقىنى ئاشۇرۇپ، ئېچىۋېتىش سەۋىيىسىنى، ئۇنىۋېرسال ئەمەلىي ئىقتىدارىنى كۈچەيتىپ، ئىسلاھات، ئېچىۋېتىشتىكى باشلامچىلىق رولىنى تېخىمۇ ياخشى جارى قىلدۇرۇشى كېرەك.
