بورتالا شەھىرىنىڭ چىندىل يېزىلىق ئوتتۇرا مەكتىپى سىچۇەندىكى ئاپەت رايونىدىن كەلگەن لى يىڭ، لى چىڭشى قاتارلىق ئىككى ئوقۇغۇچىنى قوبۇل قىلدى.

     لى يىڭ، لى چىڭشىلار سىچۇەندىكى ئاپەت ئېغىر بولغان ئەنشەن ناھىيىسىدىن بولۇپ، 5 – ئاينىڭ  18 – كۈنى بورتالا شەھىرىنىڭ چىندىل يېزا شابۇرتا 4 – كەنتىگە تۇغقانلىرىنى پانا تارتىپ كەلگەن ئىدى، بۇ ئىشتىن خەۋەر تاپقان شەھەر ۋە يېزا رەھبەرلىرى  ئۇلارنى چىندىل يېزا مەركىزىي مەكتەپنىڭ 2 – يىللىق 1 – سىنىپىغا ئورۇنلاشتۇردى. مەكتەپ رەھبەرلىرى ئۇلارغا سومكا، كىتاب، دەپتەر – قەلەم ئېلىپ بەردى ھەم  ئۇلارنى يېزىلىق دوختۇرخانىغا ئاپىرىپ تەن سالامەتلىكىنى تەكشۈرتتى.

     مەكتەپ مۇدىرى سەمەت مۇنداق دېدى: مەكتەپ بۇ بالىلارنىڭ ئۆگىنىش، تۇرمۇشىنى ئىنچىكىلىك بىلەن ئورۇنلاشتۇردى ھەم ئۇلاردىن ئوقۇش ۋە ماتېرىيال پۇللىرىنى ئالماسلىقنى قارار قىلدى. لى يىڭ، لى چىڭشىلار مۇنداق دېدى: بىز ياخشى ئۆگىنىپ، كەلگۈسىدە ياراملىق ئادەم بولۇپ، ۋەتەن ۋە خەلقنىڭ ئۈمىدىنى ئاقلايمىز.

 لى چېڭشى ساۋاقداشلىرى بىلەن كۆڭۈللۈك ئوينىماقتا

      يېقىنقى كۈنلەردىن بۇيان ، ئاپەت رايونىدىن قۇمۇلغا كېلىپ ئوقۇشقا كىرگەن ئوقۇغۇچىلار جەمئىيەتتىكى ھەر ساھە كىشىلىرىنىڭ غەمخورلۇقىغا ئېرىشتى. بايرام ھارپىسىدا ئاپەت رايونىدىن كەلگەن بالىلار قۇمۇلدىكى يېڭى دوستلىرى بىلەن بىرلىكتە ناخشا ئېيتىپ ، ئۇسسۇل ئويناپ ، بايرام شادلىقىغا چۆمدى .

قۇمۇل شەھىرىدىكى باشلانغۇچ مەكتەپ ئوقۇغۇچىلىرى سىچۇەندىكى ئاپەت رايونىدىن كەلگەن ساۋاقداش شيې چاۋغا ئۇسسۇل ئۆگەتمەكتە