ئاپتونوم رايونلۇق پارتكوم تەشۋىقات بۆلۈمى،ئاپتونۇم رايۇنلۇق رادىئو – كىنو، تېلېۋىزىيە ئىدارىسى،تۇرپان ۋىلايەتلىك پارتكوم تەشۋىقات بۆلۈمى، تەڭرىتاغ كىنو ستۇدىيىسى بىرلىشىپ ئىشلىگەن ‹‹مۇھەممەدنىڭ 2008 – يىلى›› ناملىق كىنو 4 – ئاينىڭ 29 – كۈنى بېيجىڭ ئولىمپىك مۇسابىقىسىگە  100 كۈن قالغاندا، ئۈرۈمچى‹‹خەلق›› تىياتىرى قاتارلىق بەش كىنو – تىياتىرخانىدا تۇنجى قۇيۇلدى.

       ئاپتونوم رايوننىڭ مۇئاۋىن رەئىسى تىلىۋالدى ئابدۇرېشىت تۇنجى قويۇش مۇراسىمىغا قاتناشتى.ئۇ مۇنداق دېدى: بۇ مۇراسىم شىنجاڭدىكى ھەر مىللەت خەلقنىڭ ئولىمپىك ئىپتخارلىقىنى مەركەزلىك ئىپادىلەپ بەردى. بۇ فىلىم ماتېرىيال تاللاشتىن تارتىپ، مەزمۇنغىچە ئىنتايىن ئاكتىۋال بولۇپ، بېيجىڭ ئولىمپىك مۇسابىقىسىنى تەشۋىق قىلىش ئاساسىي مېلودىيىسىگە بەكمۇ ماس كېلىدۇ. تىلىۋالدى ئابدۇرېشىت بۇ فىلىمدە رول ئالغان كىچىك ئارتىسلارنى رىغبەتلەندۈرۈپ مۇنداق دېدى: بۇ بالىلار ھازىرقى پۇرسەتنىڭ قەدرىگە يېتىپ، تىرىشىدىغانلا بولسا كەلگۈسىدىكى ئولىمپىك مۇسابىقىسىگە قاتنىشىش پۇرسىتىگە ئېرىشەلەيدىغانلىقىغا، ۋەتەنگە، خەلققە شان – شەرەپ كەلتۈرەلەيدىغانلىقىغا ئىشىنىمەن. ئۇ كىنو خىزمەتچىلىرىدىن يەنىمۇ تىرىشىپ تېخىمۇ ياخشى، تېخىمۇ ئېسىل نەتىجىلەرنى يارىتىپ، شىنجاڭنىڭ تەرەققىياتى، جەمئىيەتنىڭ مۇقىملىقى، ھەر مىللەت خەلقنىڭ ئىتتىپاقلىقىدەك چوڭ ياخشى ۋەزىيەتنى تەشۋىق قىلىپ، شىنجاڭنىڭ كىنو مەدەنىيىتىنىڭ تەرەققىي قىلىشى، گۈللىنىشى ئۈچۈن تېخىمۇ زور تۆھپىلەرنى قوشۇشىنى ئۈمىد قىلدى.

       ئىگىلىنىشىچە، يېقىندا ئاياغلاشقان 15 – نۆۋەتلىك بېيجىڭ ئالىي مەكتەپ ئوقۇغۇچىلىرى كىنو بايرىمىدا ‹‹مۇھەممەدنىڭ 2008 – يىلى›› ئىجادىيەت مۇكاپىتىغا ئېرىشكەن. 5 – ئاينىڭ 18 – كۈنى بۇ فىلىم ۋيېتنامدا ئۆتكۈزۈلىدىغان 4 – نۆۋەتلىك خەلقئارا كىنو بايرىمىدا، 5 – ئاينىڭ 22 – كۈنى قازاقىستاندا ئۆتكۈزۈلىدىغان ئالمۇئاتا كىنو بايرىمىدا، 6 – ئاينىڭ 25 – كۈنى بېيجىڭ ئولىمپىك مۇسابىقىسىنى تەشكىللەش ھەيئىتى بىلەن دۆلەت رادىئو – كىنو، تېلېۋىزىيە باش ئىدارىسى بىرلىكتە ئۆتكۈزىدىغان خەلقئارا تەنتەربىيە تېمىسىدىكى كىنو ھەپتىلىكى پائالىيىتىدە نۇقتىلىق قويۇلىدىكەن.