قىسمەن كىشىلەر ئورۇقلاش ئۈچۈن بەزى ناتوغرا ئۇسۇللارنى ئىشلىتىپ يامان ئاقىۋەتكە قالىدۇ ، تۆۋەندىكى بىر قانچە توغرا بولمىغان ئورۇقلاش ئۇسۇلى بىلەن تونۇشۇپ ئۆتەيلى .

1. ئۇزاققىچە بىرنەرسە يىمەسلىك: تاماق يىمەيدىغان ۋاقىت تۆت سائەتتىن ئېشىپ كەتمەسلىكى كېرەك. ئەگەر ئۇزاققىچە بىر نەرسە يىمىگەندە، بەدەن تېخىمۇ كۆپ ئىنسولىن ئاجرىتىپ چىقىرىپ، ئېچىرقاشنى كەلتۈرۈپ چىقىرىدۇ. شۇنىڭ بىلەن تېخىمۇ كۆپ تاماق يىيىلىپ، ئادەمنى ئاسان سەمرىتىۋېتىدۇ.
2. كاربون سۇ بىرىكمىسى ئىستىمال قىلماسلىق: كۆپلىگەن كىشىلەر كاربون سۇ بىرىكمىسى ئىستىمال قىلماسلىق بىر خىل ئۈنۈملۈك ئورۇقلاش ئۇسۇلى دەپ قارايدۇ. ئەلۋەتتە كاربون سۇ بىرىكمىسى ئىستىمال قىلىنمىسا، بەدەن ئېغىرلىقىنى تېزلا تۆۋەنلەتكىلى بولىدۇ. ئەمما ئىستىمال قىلىنمايدىغىنى ماي بولماستىن، سۇ بولىدۇ. مۇتەخەسىسلەر ھەر كۈنى مۇۋاپىق مىقداردىكى كاربون سۇ بىرىكمىسى ئىستىمال قىلىشنى تەۋسىيە قىلىدۇ.

3. يېمەكلىكنى خام پېتى يىيىش: بۇنداق قىلىشنىڭ ئورۇقلاشقا ياردىمى بولمايلا قالماستىن، ئەكسىچە ئادەمنى ئاسانلا زەھەرلەپ قويىدۇ. شوڭا يېمەكلىكنى خام پېتى ئاز، پىششىقىنى كۆپرەك يىيىش كېرەك.
4. قەھۋەنى كۆپ ئىچىش: نۇرغۇن كىشىلەر ھەر كۈنى قەھۋەنى قولىدىن ئايرىمايدۇ. شۇ ئارقىلىق نەپسىنى باسىدۇ. بۇنداق قىلغاندا قەھۋە ئاستا- ئاستا ئاشقازان ياللۇغىنى كەلتۈرۈپ چىقىرىدۇ.
5. داۋاملق سېغىز چايناش: بەزى كىشىلەر سېغىز چاينىغاندىن كىيىن ئىشتەي تۇتۇلۇپ، مەقسىدىگە يەتكىلى بولىدۇ دەپ قارايدۇ. ئەمما ئۇزۇن مۇددەت ئاشقازان سۇيۇقلۇقى كۆپ ئاجرىلىپ چىقسا ئاشقازان ياللۇغلىنىشنى كەلتۈرۈپ چىقىرىدۇ.
6. تۇز ئىستىمال قىلماسلىق: ئورۇقلاش ئۈچۈن تۇز ئىستىمال قىلماسلىق خاتا قاراش. ئادەم ھەر كۈنى بەلگىلىك مىقداردا تۇز ئىستىمال قىلغاندا، بەدەننىڭ ماددا ئالمىشىش تەڭپۇڭلىقىنى ساقلىغىلى بولىدۇ. ئەلۋەتتە، تۇزنى كۆپ ئىستىمال قىلماسلىق كېرەك.
7. مىۋە- چىۋىنى بەك كۆپ يىيىش: مىۋە- چىۋە يىيىشنىڭ ئەلۋەتتە ئورۇقلاشقا ئۈنۈمى بار. بىراق مىۋە- چىۋىدە قەنت تەركىبى بولغاچقا، ئۇزاققىچە كۆپ ئىستىمال قىلغاندا ئوخشاشلا سەمىرتىۋېتىدۇ.